Diego Godin ka përfunduar në listën e dëshirave të skuadrës angleze Manchester United.

Djajtë e Kuq nuk e ka nisur aspak mirë sezonin në Ligën Premier, pasi janë larg pritshmërive dhe katërshes.

Trajneri Jose Mourinho disa herë ka deklaruar se është i pakënaqur me fondin e lojtarëve e sidomos me mbrojtësit.

Portugezi ka theksuar se skuadrës së tij i nevojiten përforcime në repartin e qendër mbrojtjes.

Sipas mediumit anglez Daily Star, Mourinho është gati të përtërijë interesimin për mbrojtësin e Atletico Madridit, Godin.

Ekipi nga Old Trafford thuhet se është gati të shpenzojë 20 milionë funte për shërbimet e mbrojtësit uruguaian me përvojë të madhe.

Një alternativë tjetër më e lirë në rast dështimi në afatin e janarit, llogaritet mbrojtësi i Chelseat, Gary Cahill.

Në anën tjetër, mbrojtësit që shihen për periudha afatgjata janë Milan Skriniar, Kalidou Koulibaly dhe Harry Maguire