OBRM-PDUKM-ja nuk pajtohet me ikjen e Nikolla Gruevskit, tha sot në konferencë për shtyp zëdhënësi i kësaj partie Naum Stoillkovski.

“OBRM-PDUKM-ja nuk pajtohet me ikjen e Nikolla Gruevskit, kjo nuk është opsion edhe kur të gjithë e dinë se bëhet fjalë për përndjekje politike. Kështu rrezikohen të gjithë personat tjerë që janë cak i përndjekjes”, tha Stoillkovski, njofton Telegrafi Maqedoni.

Ai tha se Zaevi e ka ditur në cilat rrugë ka lëvizur Gruevski dhe se pa nevojë kanë shqetësuar anëtarët e partisë.

“Ministri për përndjekje Oliver Spasovski dhe Zoran Zaev të përgjigjen se kë e mashtrojnë dhe gënjejnë. Ata duke pasur parasysh resurset e kufizuara të sigurisë së shtetit, duan të tregojnë se nuk e kanë ditur lëvizjen e Gruevskit. Ata duhet të përgjigjen për këtë dyshim”; tha Stoillkovski.