Sulmuesi i Juventusit, Paulo Dybala insiston se ai kurrë nuk e ka ofenduar trajnerin Jose Mourinho duke thënë se vetëm ka kërkuar nga portugezi të mos e bëjë atë gjest.

Trajneri i Manchester United vuri dorën në vesh ndaj tifozëve të “Zonjës së Vjetër” pas fitores së skuadrës së tij të mërkurën dhe atij menjëherë i ishin afruar sulmuesi argjentinas dhe Leo Bonucci, transmeton portali arbresh.info.

“Unë vetëm i kam thënë se nuk është e nevojshme për të bërë atë gjest”, insistoi Dybala duke folur për ‘Sky Sports’.

“Nuk ishte e nevojshme për të krijuar më shumë tension sesa që tashmë ishte aty, nganjëherë ju ofendoheni dhe kjo është një gjë e keqe, por krijon më shumë tensione sesa që tashmë ka”

“I kam thënë atij se kjo nuk ishte e nevojshme, nuk e kam ofenduar atë. Unë thjeshtë i kam thënë atij këtë dhe jam larguar”

Juventusi do të përballet në vikend me AC Milanin të dielën duke filluar nga ora 20:30./arbresh.info/