Dialogu me Serbinë, korrigjimi i kufijve e deri te propaganda e egër serbe për tërheqje të njohjeve nga shtetet e tjera, janë vetëm disa nga kryetemat e fundit në vend të cilat ende nuk po u gjendet një zgjidhje

Nga ana tjeter kemi Gjykatën Speciale e cila çdo ditë komentohet për ngritjen e mundshme të aktakuzave.

Mirëpo sa po ndikojnë zhvillimet e fundit politike në vend, në fillimin e saj?

Zyra për komunikim e Gjykatës Speciale ka kthyer përgjigje për gazetën “Bota sot” ku ka thënë se nuk kanë kurrfarë komenti në lidhje me zhvillime politike, ZPK vazhdon punën.

“Dhomat e Specializuara të Kosovës janë të përqendruara në zbatimin e mandatit të tyre në përputhje me Ligjin e miratuar për Dhomat e Specializuara dhe Zyrën e Prokurorit të Specializuar si dhe amendamentin kushtetues përkatës. Nuk kemi kurrfarë koment në lidhje me zhvillimet politike” kanë përfunduar ata.