Për shtatzëninë e Xhensila Myrtezajit është folur aq shumë në shtypin e shkruar dhe portalet online, sa shpeshherë na krijohet përshtypja se ka zgjatur më shumë se zakonisht, që nga momenti i martesës e deri tre muaj më parë (shaka) kur Ajka erdhi në jetë. E mesa duket prindërit e rinj të shoëbizit, mami Xhensila e babi Besi janë të vendosur të festojnë çdo datë 13-të si më të shtrenjtën e tyre. Ditën e djeshme kanë organizuar një darkë speciale për të festuar 3-mujorin e parë të jetës së vogëlushes së tyre, për të cilën janë kujdesur të mos e ekspozojnë në rrjete sociale. Një ditë kaq shumë e rëndësishme për dyshen e dashur nga publiku, nuk duhet ndarë vetëm me familjarët, por edhe miqtë e ngushtë: disa prej tyre personazhe të njohura të ekranit si Erion Isai, Olsi Bylyku, Ardit Gjebrea me familjen etj.

Festa ishte private dhe Xhensila u rezervua ta ndante këtë event në rrjetet sociale. I vetmi që ka postuar dy foto nga darka, është Besi, por pa asnjë përshkrim. Ndërsa motra e Xhensilës ka postuar një foto me këngëtaren e cila në këtë mbrëmje kishte zgjedhur të vishej me një fustan me lule në ngjyrë të verdhë.