Cristiano Ronaldo është duke kërkuar transferimin në Juventus të njërit nga ish bashkëlojtarët të tij nga Real Madridi.

Pavarësisht interesimit të “Zonjës së Vjetër në mbrojtësin brazilian Marcelo, raportet e fundit sugjerojnë se Ronaldo ka rekomanduar transferimin e mesfushorit gjerman Toni Kroos, transmeton portali arbresh.info.

Edhe pse Juventusi kërkon tutje përforcime në skuadër, aktiviteti i tyre gjatë verës ishte reduktuar dukshëm pas super marrëveshjeve për transferimin e Cristiano Ronaldos dhe Joua Cancelos në klub, gjë që la pak hapësirë për tjera përforcime.

Kroos, tashmë si një 28-vjeçar, iu bashkua Real Madridit nga Bayern Munichu në vitin 2014 për një tarifë që u raportua të jetë rreth 24-30 milionë euro.

Që nga atëherë, ai ka bërë rreth 200 paraqitje për ‘Los Blancos’ dhe është bërë lojtari i parë gjerman që ka fituar katër trofe të UEFA Ligës së Kampionëve, një me Bayern Munichun dhe tre me skuadrën e tij aktuale./arbresh.info/