Mercedes pëson rënie në shitjen e veturave

11:30 | 11 Shtator 2018
Arbresh.info

Në shumë vende të botës, nuk ka shumë lajme të mira për prodhuesit gjigant të makinave.

Raportimet nga qendrat më të mëdha tregojnë se Mercedes Benz shet më pak vetura.

Bie fjala në SHBA krahasuar me vitin e kaluar shitja ka rënë për 20%, ku janë shitur vetëm 20 mijë e 300 vetura gjatë një viti.

Në Kinë shitja ka rënë për 5.5 përqind apo 53 mijë e 300 makina të shitura.

Problemet për Daimler ekzistojnë edhe në vendin e origjinës ku prodhohet Mercedesi, sepse janë hequr nga përdorimi 21 mijë e 400 vetura apo rreth 15 përqind e veturave të prodhuara gjatë një viti.

Sipas Frankfurter Algemeine Zeitung, një ndër problemet kryesore që ka shtyrë rënien e numrit të shitjes, është problemi me makinat dizel në vendet evropiane, përcjell Klan Kosova.

Për investitorët, rrëshqitja e rëndësishme nuk duket të luajë një rol të madh. Çmimi i aksionit Daimler, i cili, ashtu si rezervat e tjera, ka rënë ndjeshëm, veçanërisht në kontekstin e luftës tregtare në muajt e fundit, mbeti pothuajse konstante në 54.40 euro.