Mario Mandzukic refuzoi që t’i bashkohej Manchester United këtë verë.

‘Calciomercato’ zbulon se ylli kroat ishte shënjestër kryesore e Jose Mourinhos gjatë merkatos së fundit të transferimeve, por lojtari refuzoi të largohej nga Juventusi pas një takimi me trajnerin Max Allegri, transmeton portali arbresh.info.

Mourinho i kishte premtuar Mandzukicit rritje të pagës.

Kroati fiton 3.5 milionë euro në vit, por gjiganti në Premierë Ligë i kishte premtuar ish yllit të Bayern Munichut dhe Atleticos një pagë vjetore më shumë se 5 milionë euro.

Megjithatë, Allegri njoftoi 32-vjeçarin se do të jetë sërish pjesë kryesore e Juves këtë sezon dhe se arritja e Cristiano Ronaldos nuk do t’i reduktoj kohën atij në fushë.

Tani, Juventusi mund t’i ofroj Mandzukicit një kontratë të re./arbresh.info/