Winona Ryder dhe Keanu Reeves mund të jenë të martuar?

19:37 | 19 Gusht 2018
Arbresh.info

Aktorët Winona Ryder dhe Keanu Reeves mund të ishin martuar aksidentalisht njëri me tjetrin në vitet ’90.

Ryder, 46, zbuloi këtë në një intervistë që ajo dhe Reeves, 53, patën me Entertainment Weekly duke promovuar komedinë e ardhshme romantike, “Destination Wedding”.

Aktorët luajtën së bashku në horrorin “Dracula” të vitit 1992, ku personazhet e tyre, Mina dhe Jonathan Harker, martohen në Rumani. Megjithatë, sipas Ryder, ceremonia e dasmës mund të ketë qenë e ligjshme.

“Ne aktualisht jemi martuar në filmin ‘Dracula’. Por, betohem në Zotin se mendoj që jemi të martuar edhe në jetën reale”, tha Ryder për Entertainment Weekly.

Në kohën e xhirimit të filmit, Ryder ishte 21-vjeçare dhe Reeves ishte 28.

“Në atë skenë drejtori Francis Ford Coppola përdori një prift të vërtetë nga Rumania, kështu që mendoj se ne jemi të martuar me të vërtetë”, shpjegon ajo.