Real Madridi ka fituar ndaj Milanit me rezultat 3-1 dhe kështu ka fituar trofeun Bernabeu, i cili luhet në nder të legjendës Santiago.

Mbretërit këtë vit kanë zgjedhur Milanin si kundërshtar për të luajtur për trofeun Bernabeu.

Ndeshja përfundoi me fitoren e vendasve me rezultat të ngushtë 3-1, ku të dyja skuadrat dhuruan lojë të mirë.

Pjesa e parë filloi me një gol të hershëm të Real Madridit, të cilët kaluan në epërsi 1-0 në minutën e dytë me anë të Karim Benzemas.

Milani arriti të kthehet në lojë pas vetëm dy minutave dhe ishte Gonzalo Higuain, i cili barazoi 1-1 me një gol të bukur nga distanca.

Kur pritej që pjesa e parë të përfundoj në skenë doli uellsiani Gareth Bale (45+) që shënoi nga afërsia për 2-1 dhe dërgoi skuadrën e tij në pushim me epërsi.

Në pjesën e dytë, të dy trajnerët vendosën të bëjnë shumë ndryshime duke provuar edhe lojtarë të rinj, por kjo rezultoi më suksesshëm për vendasit që shënuan edhe një herë.

Ishte spanjolli Borja Mayoral, i cili shënoi në minutën e fundit për 3-1 dhe vendosi rezultatin përfundimtar të ndeshjes. /Telegrafi/

https://twitter.com/realmadriden/status/1028360274011725824?ref_src=twsrc%5Etfw%7Ctwcamp%5Etweetembed%7Ctwterm%5E1028360274011725824&ref_url=https%3A%2F%2Ftelegrafi.com%2Freal-madridi-fiton-trofeun-bernabeu-pasi-mposhti-milanin%2F

https://twitter.com/SempreMilanCom/status/1028358115656454150?ref_src=twsrc%5Etfw%7Ctwcamp%5Etweetembed%7Ctwterm%5E1028358115656454150&ref_url=https%3A%2F%2Ftelegrafi.com%2Freal-madridi-fiton-trofeun-bernabeu-pasi-mposhti-milanin%2F

https://twitter.com/ElMadridismo93/status/1028383258562707461?ref_src=twsrc%5Etfw%7Ctwcamp%5Etweetembed%7Ctwterm%5E1028383258562707461&ref_url=https%3A%2F%2Ftelegrafi.com%2Freal-madridi-fiton-trofeun-bernabeu-pasi-mposhti-milanin%2F