Daçiq përkrah idenë e Vuçiqit për rishikim të kufijve me Kosovën

Beograd, 14. februara 2017 - Ministar spoljnih poslova Ivica Dacic pred sastanak sa sa ministrom spoljnih poslova Kraljevine Norveske Borge Brendeom. FOTO TANJUG/ DRAGAN KUJUNDZIC/ dr

13:52 | 10 Gusht 2018
Arbresh.info

Ministri i Punëve të Jashtme të Serbisë, Ivica Daçiq, ka deklaruar se përkrah idenë e presidentit serb Aleksandar Vuçiq për rishikimin e kufijve me Kosovën, duke vlerësuar si mundësinë e vetme të mundshme për zgjidhjen e problemit, shkruajnë mediat serbe.

“Idenë e rishikimit të kufijve e përkrah tash e dhjetë vite, dhe mendoj se është mundësia e vetme e mundshme dhe e shpejtë që mund ta zgjidh këtë problem akut”, ka shtuar shefi i diplomacisë serbe.

Megjithatë, ai ka pranuar se është ende herët të flitet nëse mund të vijë deri te një zgjidhje e tillë.

Ndërkaq, Daçiq beson se me ardhjen e administratës së re në krye të Shtëpisë së Bardhë, pozicioni i SHBA-ve karshi Kosovës ka ndryshuar.