Jamie Vardy ka vendosur për të ardhmen e tij duke vazhduar te Leicester City me nënshkrimin e një kontrate katër vjeçare.

Vardy është kthyer në njërin nga sulmuesit më të rrezikshëm në Premierë Ligë, ku sezonin e kaluar 2017/18 shënoi 20 herë, transmeton portali arbresh.info.

31-vjeçari ka shënuar 88 gola brenda të gjitha kompeticioneve te Leicester City duke i ndihmuar gjithashtu klubit të siguroj titullin në Premierë Ligë në sezonin 2015/16.

“Të gjithë e dinë se si ndihem kur luaj për këtë klub dhe është një ndjenjë e mrekullueshme për të mësuar se mund të shikoj edhe për katër vitet e ardhshme si një lojtar i Leicester Cityt”, ka thënë Vardy për faqen zyrtare të klubit.

Reprezentuesi i Anglisë, i cili në të kaluarën është përfolur për transferim te Arsenali, do të jetë pjesë e “Dhelprave” deri në vitin 2022./arbresh.info/

Another piece of business on deadline day… ?✍️ pic.twitter.com/DlQ1U8yjXQ

— Leicester City (@LCFC) August 9, 2018