Azdren Llullaku duket se ka rilindur në elitën e futbollit rumun.

Sulmuesi nga Kosova ka vazhduar shkëlqimin në elitën e futbollit rumun me skuadrën e tij të re Astra Giurgiu.

Astra ishte mysafire e skuadrës Poli Iasi dhe arritën një barazim të vlefshëm 1-1 në javën e dytë të kampionatit rumun.

Vendasit ishin në epërsi pasi kaluan një orë lojë duke sjellë gëzim të madh në shkallët e stadiumit.

Por 10 minuta para fundit të kësaj sfide në skenë doli Azdren Llullaku.

Reprezentuesi i Shqipërisë shënoi nga pika e bardhë për ta barazuar rezultatin në 1-1.

Ky ishte goli i dytë për Llullakun në dy ndeshje në elitën e futbollit rumun.

Kujtojmë që istogasi është rikthyer në Rumani pas përvojës në futbollin kazak dhe me Virtus Entellan në Serie B. /Telegrafi/

https://youtu.be/CmZr_dS4fV0