Henry mund të bëhet trajner i Aston Villas

13:24 | 21 Korrik 2018
Arbresh Info

Legjenda e Arsenalit, Thierry Henry është shfaqur si një zëvendësues i mundshëm i Steve Bruces te skuadra e Aston Villas në Championship.

Henry së fundmi është larguar nga pozita e tij si analist në ‘Sky Sports’ në mënyrë që të ketë më shumë kohë për tu fokusuar në karrierën e tij si trajner, transmeton portali arbresh.info.

Multimilioneri egjiptian Nassef Sawiris ka blerë aksione në klub dhe tani mund të marrë vendime kryesore për klubin e tij.

Ai raportohet tani se është duke kërkuar një zëvendësues të Steve Bruces që thuajse i dërgoi ata sërish në Premierë Ligë sezonin e kaluar.

Si lojtar, Henry ka punuar nën udhëheqjen e disa nga trajnerëve më të mirë. Ai ka punuar nën udhëheqjen e francezit Arsene Wenger te Arsenali dhe Pep Guardiolas në Barcelonë

Ai ishte gjithashtu njëri nga asistentët e Roberto Martinezit në Kampionatin Botëror 2018./arbresh.info/