Gjykata Penale sot në Shkup ka shpallur aktgjykimin për lëndën e Prokurorisë Speciale “Trust”.

I dyshuari kryesor në këtë lëndë Sead Koçan, u dënua me gjashtë vite burg, i akuzuari i dytë Vasilije Aviroviq me tre vite, ndërsa të tjerët u liruan nga akuza, njofton Telegrafi Maqedoni.

Gjykata Penale gjithashtu ka vendosur që t’i konfiskojë pasurinë prej 17 milionë eurove, të cilat do të kthehen në buxhetin e shtetit.

Gjykatësja tha se gjatë marrjes së vendimit nga gjykatësit janë analizuar të gjitha provat dhe janë marrë parasysh rrethanat gjatë kryerjes së veprës.

Në këtë lëndë Sead Koçan dhe dy persona tjerë fizik dhe tre juridik akuzohen se kanë krijuar partneritet dhe me dokumente të falsifikuara kanë fituar tender nga kompania shtetërore ELEM, me vlerë prej 17 milionë eurove.