Dëme të mëdha, si pasojë e erës së madhe po besohet se janë shkaktuar në fshatin Gurbardh të Malishevës.

Atje po dyshohet se rrëzimi i shtyllave elektrike bëri që të marrë flakë gruri i një fermeri.

Ara prej një hektari e Resim Krasniqit sipas tij u dogj nga rryma.

‘Shkaktari i dëmit është rryma elektrike. Për shkak të shtyllave të vjetra të cilat kanë qenë të dëmtuara shumë. Atë ditë kur ka marrë flakë vendi i ka rrëzu era dhe si pasojë e telave ka ardhë deri te djegia e grurit’, shpjegon bujku për Klan Kosovën.

Afër armës që po digjej kanë qenë edhe shtëpitë, mirëpo banorët thonë se u mobilizuan në numër të madh në mënyrë që flakët të mos bëjnë dëme më të mëdha.

Ata thonë se KEDS ka qenë e informuar në lidhje me gjendjen e shtyllave.

Edhe në këtë kompani thonë se kanë pranuar ankesën.

E tani pritet që të bëhet një vlerësim i gjendjes.