Ministri i Brendshëm i Gjermanisë ka ofruar dorëheqjen pas marrëveshjes që doli nga Samiti i BE-së për politikat e luftimit të imigracionit.

Horst Seehofer drejton Unionin Kristian-Social (CSU), një parti kryesore në koalicionin e Merkel.

Javën e kaluar, Seehofer kërcënoi të kthejë azilkërkuesit nga kufinjtë e Gjermanisë nëse Merkel nuk arrin një marrëveshje të pranueshme me partnerët e tjerë të BE-së.

Qëndrimi i tij e vë në pikëpyetje koalicionin e Merkel dhe të ardhmen e saj politike, transmeton Klan Kosova.

Të dielën mbrëma, Unioni Kristian-Demokrat i Merkelit (CDU) miratoi një rezolutë që mbështeste qëndrimin e saj mbi migracionin.

Sekretari i Përgjithshëm i CDU-së, Annegret Kramp-Karrenbauer tha se partia beson se një zgjidhje evropiane ishte e nevojshme.

Më pas u raportua nga CSU – partia simotër e CDU-së – që Seehofer kishte ofruar dorëheqjen si lider partie por edhe si Ministër i Brendshëm.

Seehofer u ankua gjatë një takimi të zyrtarëve të lartë të CSU-së se ai kishte zhvilluar një “bisedë pa efekt” me Merkel kur ata biseduan të shtunën për marrëveshjen e BE-së për refugjatët, thanë burimet.