Ad Banner
Ad Banner
Ad Banner
Ad Banner

Gjendet një trup i pajetë në Himarë

21:16 | 12 Gusht 2015
M. A.

Policia e qarkut të Vlorës ka njoftuar pasditen e kësaj të mërkure, se një ditë më parë në Jalë të Himarës ka gjetur në det të hapur një kufomë.

Sipas një njoftimi për shtyp, trupi i pajetë është gjetur në vendin e quajtur Gjipe, rreth 1 milje larg bregut. Kufoma nuk është identifikuar ende dhe policia ka bërë publike të dhënat e saj, në funksion të identifikimit.

Kështu: trupi është i seksit mashkull, fizik normal, i gjatë 1.75 m, flokë të thinjura dhe pak të rëna në pjesën e përparme të kokës, i moshës 50-60 vjeç dhe i veshur me pantallona blu të shkurtra dhe me vija anash.

Autoritetet policore njoftojnë se, trupi i pajetë ndodhet në morgun e Vlorës prej nga pritet të dalin rezultatet e autopsisë që do të hedhin dritë mbi shkaqet e vdekjes./TCh

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm