UEFA ka marrë vendim për të ndaluar skuadrën e AC Milanit nga kompeticionet evropiane për dy sezonet e ardhshme për shkak të dështimit të klubit për të përmbushur kufizimet financiare nga FFP.

“Rossonerët” kanë siguruar kualifikimin në Evropa Ligë për sezonin 2018/19 pasi përfunduan në pozitën e gjashtë në Serie A, por nuk do të jenë më në gjendje për të marrë pjesë në turne, transmeton portali arbresh.info.Në Nyon, pasditen e sotme (e mërkurë) pas disa takimeve të ndryshme me trupin qeverisës së futbollit, tani është njoftuar zyrtarisht se UEFA ka ndëshkuar “Rossonerët” duke mos e lejuar të marrë pjesë në turneut e saj në dy sezonet e ardhshme.

“Klubi është përjashtuar nga pjesëmarrja në kompeticionet për klube të UEFA për të cilën do të duhej të kualifikohej dy sezonet e ardhshme”, shkruan UEFA në një deklaratë.

“Vendimi mund të apelohet Gjykatën e Arbitrazhit të Sportit në përputhje me artikullin 34 (2) të rregullave procedurale të trupit për kontrollim financiar të UEFA-së, si dhe artikullit 62 dhe 63 të ligjit të UEFA-së”

Fiorentina tani do të trashëgoj pozitën e Milanit, megjithëse ata duhet të presin deri pas shqyrtimit të apelimit nga AC Milani te Gjykata e Arbitrazhit të Sportit./arbresh.info/