Emoji, Google heq vezën nga sallata

23:26 | 8 Qershor 2018
Trina Galanxhi

Pas debatit online vjeshtën e shkuar për emoji e hamburgerit, dhe vendosja e rregullt e përbërësve, një tjetër disktuim nisi, dhe këtë herë për emoji-n e sallatës.

Në qendër është gjithnjë Google që ka bërë të ditur se ka hequr vezën nga sallata, më sistemin e ri operativ Android P.

Një menaxhere e Google,Jennifer Daniel, ka postuar foto të sallatës së re pa vezë. “Flitet shumë për diversitetin në Google, kështu që nëse keni nevojë për prova se Google e ka prioritet, ju kërkoj vëmendjen mbi emoji-n e sallatës. Hoqëm vezën, për ta bërë sallatën më të pranueshme për vegjetarianët.

Postimi ka marrë 2 mijë komente. Ndërsa Unicode, konsorciumi që mrret me standardizimin e emoji shkruan: “Përshëndetje mishngrënës, vegjetarianë dhe gjithçka tjetër. Dua t’iu sqaroj se objektivi është ridizejnimi emoji të sallatës dhe krijimi i një imazhi më besnik ndaj përshkrimeve të Unicode”./tch/