Shumica e bashkëlojtarëve të tij te Arsenali do të luajnë para një audience globale në Kampionatin Botëror këtë verë, por Pierre Emerick Aubameyang dukej i lumtur duke luajtur vetëm me shokët e tij.

Sulmuesi, i cili nuk do të shkoj në Rusi pasi Gaboni nuk ka arritur të kualifikohet, u dhuroi fanella të Arsenalit shokëve të tij me të cilët shijoi një ndeshje miqësore para se të rikthehet në palestër, transmeton portali arbresh.info.

Aubameyangit iu kishte bashkuar vëllai i tij Willy, i cili ka shkrepur shumicën e fotove nga ajo ditë.

Ylli i “Topçinjve” ka kaluar në formë të mrekullueshme gjashtë muajt e parë te klubi i tij i ri.

Aubameyang ka shënuar 10 gola dhe ka krijuar katër asistime në 13 ndeshje në Premierë Ligë qysh pas transferimit te klubi për 55.4 milionë funta në janar./arbresh.info/