Franca ndërton ‘fshatin’ e parë të Alzheimerit

23:46 | 5 Qershor 2018
Arbresh.info

Ndërtimi i të ashtuquajturit fshati i Alzheimerit ka nisur në jugperëndim të Francës, raportojnë mediat lokale.

Projekti, i pari i këtij lloji në Francë do të mirëpresë 120 pacientë me t’u përfunduar në fund të vitit 2019, transmeton portali arbresh.info.

Kjo do të jetë një strukturë e hapur dhe do të ofrojë terapi alternative, në afërsi të qytetit të Dax-it.

Ndërtimi është inspiruar nga një eksperiment i ngjashëm në një fshat në afërsi të Amsterdamit në Holandë.

Çdo gjë do të zbatohet në fshat “për të ruajtur pjesëmarrjen e banorëve në jetën shoqërore”, tha për gazetën Le Monde, profesor Jean-François Dartigues, neurolog dhe epidemiolog në spitalin universitar të CHU Pellegrin në Bordeaux.

Alzheimeri dhe demencat e lidhura prekin më shumë se një milion pacientë në Francë, me mbi 200,000 raste të reja të diagnostikuara çdo vit, thotë Shoqata e Alzheimer-it të Francës.

Asnjë nga trajtimet aktualisht nuk mund të ndalojë sëmundjen./Arbresh.info/