Rritet numri ditor i infektimeve dhe vdekjeve nga Covid-19 në Gjermani

08:46 | 30 Qershor 2020

Instituti gjerman për sëmundje ngjitëse “Robert Koch” ka njoftuar se gjatë 24 orëve të kaluara në Gjermani janë shënuar 12 të vdekur nga koronavirusi. Një ditë më parë u regjistruan vetëm katër viktima.

Në këtë mënyrë, numri i përgjithshëm i viktimave të sëmundjes së re në ekonominë më të fuqishme evropiane shkoi në 8,973, shkruan “The Guardian”.

Përpos rasteve fatale, gjatë kësaj periudhe u shënuan edhe 498 infektime të reja – gati dyfish më shumë se 262 rastet e regjistruara një ditë më parë dhe shifra e përgjithshme e të prekurve shkoi në 194,259.

Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera.

Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja.

Shpërndaje në rrjete sociale

Lajmet më të lexuara