Në ditën e parë të fushatës, Gecaj përkujton kolegun e ndjerë, Agim Kikaj (FOTO)

11:13 | 31 Maj 2017

Kandidati për deputet të Kuvendit të Kosovës nga radhët e LDK-së, Bajram Gecaj në ditën e parë të fushatës zgjedhore ka përkujtuar ish-kolegun e tij të ndjerë, Agim Kikajn.

Gecaj në një postim në rrjetin social Facebook ka shkruar se pavarësisht se sot nuk është i gjallë, Agimi dhe shpirti i tij luftarak do të jetë pranë nesh dhe me ne gjatë gjithë këtyre ditëve por edhe më tej.

Ja postimi i plotë i Gecajt:

AGIMI NA MADHËSHTON

Në ditën e fillimit zyrtar të fushatës zgjedhore, të kujtojmë edhe një herë mikun tim të gjeneratës, kryetarin, deputetin dhe aktivistin e devotshëm të LDK-së dhe të çështjes kombëtare, Agim Kikaj.

Edhe pse jo fizikisht , Agimi dhe shpirti i tij luftarak do të jetë pranë nesh dhe me ne gjatë gjithë këtyre ditëve por edhe më tej.

Sigurisht që Kuvendit të Republikës së Kosovës do ti mungoi përherë zëri i urtë e konstruktiv i Agimit. Ne sot po fillojmë fushatë mu në vendlindjen e Agimit, atje ku ai mori hapat e parë dhe të cilët e dërguan mëpastaj në piedestalet më të larta dhe më të ndritshme të një aktivisti kombëtar.

Prezenca shpirtërore e Agimit na madhështon të gjithë ne dhe do të jetë me ne gjithherë./Arbresh.info/

Shpërndaje në rrjete sociale