Kryetari i LDK-së, Isa Mustafa në fushatën në Obiliq ka thënë se nëse këtë frymë e hapin kudo atëher fitorja është e Ibrahim Rugovës.

“Ne nuk e konsiderojmë si fitore personale por fitore të gjithë Kosovës dhe familjeve tona. Dëshirojmë tya kemi një qeveri që do të mirret me problemet jetike të qytetarëve të vendit. Ju siguroj që iu kemi ofruar një listë të deputetëve që do ta bëjnë këtë. Orientimi jonë është që këtu të sigurojmë kapacitete të reja të energjisë elektrike, ambient të pastër, infrastrukturë, shkollim të mirë, vende pune”, ka thënë ai.

Mustafa ka ftuar që të përkrahet lista e deputetëve.

“Përkrahni deputetët nga ky koalicion, ata që janë të komunës së Obiliqit dhe me këtë do ta përrahim kandidatin tonë për kryeministër. Ai është më i duhuri dhe i nevojitet Kosovës. Ai është njeri i besës, i shkolluar dhe që do ti jetë besnik gjithmonë programit dhe synimit të LDK-së”, tha aiMustafa ka thënë se nga PDK nuk u respektua muaji i shenjtë i Ramazanit.

“Jam i bindur që edhe zotëri Pacolli edhe zonja Kusari do ti qëndrojnë besnik programit tonë. Ne jemi koalicioni më i duhur ata nuk e respektuan qytetarin, nuk e respektuan besimtarin. Ata se meritojnë votën tonë sepse nuk lejuan që ky muaj i shenjtë i Ramazanit të kaloj lehtë por deshën zgjedhje”, tha ai./Arbresh.info