Njëri prej figurave më të rëndësishme politike të pasluftës në Prizren, Eqrem Kryeziu, i ka dalë në përkrahje kandidatit të AAK’së për kryetar në Qytetin e Vjetër, Lulëzim Kabashin. Kryeziu në mes të sheshit kryesor të Prizrenit ka pi kafe me Kryetarin e AAK’së, Ramush Haradinajn e Blerim Kuçin.

Eqrem Kryeziu, duket se është pozicionuar se kënd do ta përkrahë për garën për Kryetar të Prizrenit. I ka dalë në krah kandidatit të AAK’së për Kryetar, Lulëzim Kabashi.

Kryeziu bashkë me Kabashin kanë pirë kafe në qendër të Prizrenit bashkë me Kryetarin e AAK’së, Ramush Haradinajn dhe me Sekretarin e AAK’së, Blerim Kuçin.

Haradinaj pas një tubimi në Prizren, së bashku me ekipin e AAK’së më, është ndalur në njërën nga kafiteritë e qytetit. Bashkë më të u pa edhe Ekrem Kryeziu, njëri nga figurat më të rëndësishme të LDK’së për shumë vjet.

Eqrem Kryeziu është themeluesi i LDK’së në Prizren dhe ka udhëhequr për një kohë me këtë qytet. Është larguar nga pozita e Nënkryetarit të LDK’së pas zgjedhjeve të vitit 2011.