Ka filluar të mbahet konferenca liria e shprehjes dhe jurisprudenca kushtetuese në Ballkanin Perëndimorë.

Në fjalën e saj kryetarja e Gjykatës Kushtetuese, Arta Rama-Hajrizi tha se janë mbledhur për të shkëmbyer përvojat në fushën e lirisë së shprehjes si dhe praktikave të gjykatave tona në raport me jurisprudencën e Gjykatës Evropiane për të Drejtat e Njeriut në këtë aspekt.

Ajo tha se liria e shprehjes nuk mund të përkufizohet në një profesion apo grup të caktuar njerëzish.

“Liria e shprehjes nuk mund te kufizohet në një profesion dhe grup të caktuar njerëzish e as vetëm në sferën e lirisë së medias ajo konsiston një sërë drejtash si lirish të ndryshme ku bëjnë pjesë liria e të menduar dhe informacionit që mbron lirinë e e çdo individi për të kërkuar dhe marr informacion për ndonjë ngjarje”, u shpreh ajo.

Ajo tutje tha se liria e shprehjes është e lidhur ngushtë me kornizën ligjore kushtetuese të çdo vendi e rrjedhimisht me Gjykatat Kushtetuese.

“Gjykata Kushtetuese ka aplikuar me besnikëri nenet e konvetntës evropiane për të drejtat e njeriut, ky është obligimi ynë kushtetues. Gjykata Kushtetuese e ka kuptuar rolin dhe ndikimin qe e kanë mediat andaj Gjykata parashikoi zyrën për komunikim dhe informim”, ka thënë ajo./arbresh.info