Me më shumë se 400 milionë instalime në Desktop, ishte vetëm çështje kohe debutimi i Adblock Plus në pajisjet telefonike. Eyeo, kompania prapa kësaj shtese, e testuar së pari në vitin 2013 por e larguar nga Google,  vendosi të kthehet sërish si Adblock Browser.

Pas disa muajsh testimesh, aplikacioni më në fund u lansua në pajisjet, transmeton arbresh.info, me platformë Android dhe iOS duke i premtua përdoruesve shfletim të shpejtë, sigurt, dhe të lirë nga reklamat e bezdisshme në telefonat apo tabletat e tyre.

Ashtu si homologu i tij në Desktop, Adblock Browser mund të bllokojë të gjitha reklamat apo t’i lejojë përdoruesve të zgjedhin një listë uebfaqesh që dëshirojnë të vazhdojnë përfitimin nga reklamat e pranuara.

Lansimi vjen pak koha para se gjiganti Apple të mbajë eventin e gjeneratën e re të iPhone-it, ku pritet të shpjegohet gjithashtu se si përdoruesit e iOS 9 do jenë në gjendje të bllokojnë përmbajtjet e caktuara nga hapja në shfletuesin e platformës./arbresh.info