Microsoft dhe përfshirja e teknologjisë nëpër institucionet shkollore dhe në administrata publike, ndihmon shumë në rritjen e cilësisë, qeverisjes dhe transparencës tek publiku.

Kështu u tha në hapjen e “Java Industriale e Microsoft”, ku u përmend nevoja për përfshirjen e Microsoft-të në të gjitha vendet e punës, me qëllim të ngritjes së kapaciteteve.

Me këtë rast, ministri i Arsimit, Shkencës dhe Teknologjisë, Arsim Bajrami, tha se ne jemi duke jetuar në një kohë moderne dhe përfshirja e teknologjisë do të përmirësoj dukshëm cilësinë në arsim. Për këtë ai kujtoj se tashmë kanë nisur bashkëpunimin me kompaninë e mirënjohur Microsoft, dhe do të vazhdojnë këtë bashkëpunim deri sa digjitalizimi të shtrihet në të gjitha shkollat dhe universitetet.

I pranishëm në hapjen e “Java Industriale e Microsoft”, ishte edhe ministri i Administratës Publike,Mahir Jagcilar, i cili tha se aplikimi i teknologjisë ndihmon në rritjen e transparencës por edhe të ndërgjegjësimit nga ana e administratës publike, me çka edhe rritet efikasiteti i ekipeve.

Se përfshirja e Microsoft ndihmon në qeverisje më te mirë dhe në rritjen e transparencës, e tha edhe menaxheri i “Microsoft” për Kosovë dhe Maqedoni, Stefan Planlvjanski, i cili shtoi se beson që bashkëpunimi i tyre me qeverinë në përgjithësi ndihmon shumë në përmirësimin dhe ngritjen e kapaciteteve.