Kompania që zotëron Facebook-un, Meta, tha se do të ndalojë disa media shtetërore ruse në platformat e saj, përfshirë RT-në dhe Rossiya Segodnya-n.
Sipas Meta-s, këto media kanë përdorur taktika mashtruese për të kryer operacione të fshehta të ndikimit në internet.
Kjo ndalesë përbën përgjigjen më të ashpër të kompanisë më të madhe në botë të mediave sociale kundër mediave shtetërore ruse.
Deri më tash, ajo ka ndërmarrë hapa më të kufizuar, si bllokimi i reklamave të tyre.
“Pas shqyrtimit të kujdesshëm, ne i kemi zgjeruar masat kundër mediave shtetërore ruse. Rossiya Segodnya, RT dhe entitete të tjera janë tani të ndaluara në aplikacionet tona në të gjithë botën”, tha Meta.
Sipas saj, zbatimi i ndalesës do të fillojë gjatë ditëve në vazhdim.
Përveç Facebook-ut, Meta zotëron edhe Instagram-in, WhatsApp-in dhe Threads-in./rel
31 aksidente trafiku në 24 orët e fundit në Kosovë
Zjarri përfshin një garazhë në Leposaviq
35 vjet nga lëvizja studentore, Begaj: Guximi rinor, ia hapi...
Oficeri i FSK-së diplomon në ShBA, shpërblehet me medalje
Osmani sot pret në takim Presidentin e Hungarisë
Tajlanda kryen sulme ajrore ndaj Kamboxhias pas përleshjeve ...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
