Të martën kanë arritur serish informacione shumë interesante të ndërlidhura me telefonin e ardhshëm Samsung Galaxy S8, kësaj radhe në pikëpamjen e fotografive, ku ai krahasohet me telefonat e tjerë.

Seria e raportimeve që kanë rrjedhë na sjellë informacione të ndryshme për perlën e ardhshme të kompanisë Samsung, por fotografia të cilën e ka shpërndarë Slashleaks tregon se telefoni do të jetë më i vogël se sa Galaxy S7 Edge i vitit të kaluar, pavarësisht faktit se do të ketë ekran më të madh.

Samsung Galaxy S8 është më i madh se sa iPhone 7 i cili ka ekran 4,7 inç, por pavarësisht ekranit prej 5,8 inç për shkak të formës së tij ka arritur të jetë më i vogël se sa modeli Galaxy S7 Edge, i cili ka ekran 5,5 inç.

Galaxy S8 dhe S8 Plus do të debutojnë në ngjarjen e Samsung “Unpacked”, më 29 mars.