Apple po përballet me tallje të shumta në rrjetet sociale pasi prezantoi një ‘çorape’ që shërben për të mbajtur iPhone.

Gjiganti i teknologjisë prezantoi të martën iPhone Pocket me çmimin 230 dollarë. Shumë njerëz u revoltuan ndaj çmimit të lartë, kurse të tjerë nisën të talleshin duke e quajtur çorape e thurur me shtiza, madje një përdorues në X tha “230 dollarë për një çorape të prerë”.

Youtuber-i i famshëm Marques Broënle tha se është një “test” për fansat që “blejnë ose mbrojnë gjithçka nxjerr Apple.”

Të tjerë postuan foto të aktorit Sasha Baron Cohen në rolin e Borat duke thënë se xhepi përngjan me rrobat e tij të gjelbra të banjës.

Në një deklaratë për shtyp, Apple tha se aksesori është një artikull në sasi të kufizuar i krijuar në bashkëpunim me markën japoneze të modës Issey Miyake.

Stilisti i ndjerë kishte punuar më parë me kompaninë e teknologjisë për të stiluar golfët e zinj që janë veshur nga themeluesi Steve Jobs.

Apple tha se produkti është frymëzuar nga “një copë” dhe koncepti vjen nga “ideja e të krijuar një xhep shtesë.”

Versioni me rrip të shkurtër do të jetë i disponueshëm në tetë ngjyra, kurse me rrip të gjatë në tri.