Vushtrria dhe Llapi luajnë ndeshjen më të rëndësishme të sezonit, ku nga kjo sfidë përcaktohet edhe skuadra e fundit që do të luaj në Superligën e Kosovës për edicionin 2025/26.

Pati shumë aludime se ku do të zhvillohet kjo sfidë, dhe tashmë është zyrtare se stadiumi “Fadil Vokrri”, do të jetë nikoqir i përballjes së barazhit për këtë vit, shkruan Arbresh.info.

Lajmin e ka bërë të ditur edhe skuadra llapjane përmes një njoftimi në Facebook, ku ka njoftuar tifozët e vet për orën, ditën dhe datën.

Kjo sfidë është marrë vendim të luhet me 31 maj, ditë e shtunë me fillim nga ora 16:00.

Llapi përfundoi i teti këtë edicion në Superligën e Kosovës, gjersa Vushtrria e dytë në grupin B, të Ligës së Parë.

Fillimisht skuadra e Armend Dallkut mposhti Lirinë në barazhin e Ligës së Parë, dhe tashmë i duhet një fitore edhe kundër Llapit të Tahir Batatinës ta sigurojë Superligën.

Interesimi për këtë sfidë është i jashtëzakonshëm./Arbresh.info