Southamton ka nënshkruar me mesfushorin Mario Lemina nga kampioni në Serie A Juventusi për një tarifë që theu rekordin e klubit.

Reprezentuesi gabonez kaloi te klubi në Premierë Ligë për një tarifë fillestare prej 17 milionë euro, vlerë e cila mund të rritet në 20 milionë nëse plotësohen disa dispozita, transmeton portali arbresh.info.

23-vjeçari iu bashkua Juventusit nga Marseille në vitin 2015, por startoi në vetëm 15 ndeshje në Serie A dhe tani synon të rikthej karrierën e tij pas nënshkrimit të kontratës pesë vjeçare me klubin në St Mary.

Lemina ka bërë 42 paraqitje gjatë të gjitha kompeticioneve te skuadra e Massimiliano Allegrit duke shënuar tri herë.

“Jam shumë i lumtur që kam nënshkruar për Southamptonin”, tha ai.

“Mendoj që ishte projekti që më tërhoqi më së shumti dhe pastaj familja ime ishte pas gjithë kësaj. Jam vërtetë shumë i lumtur që jam këtu”./arbresh.info

https://twitter.com/SouthamptonFC/status/894973778429706241