Manchester City ka nënshkruar me mesfushorin kroat, Mateo Kovacic, nga Chelsea për 25 milionë funte plus shtesa.

29-vjeçari i është bashkuar Cityt me një marrëveshje katërvjeçare dhe ardhja e tij pason njoftimin e klubit për transferimin e lirë të Ilkay Gundogan te Barcelona.

Kovacic është nënshkrimi i parë i Cityt këtë verë, pasi ata fituan trefishin e Champions League, Premier League dhe FA Cup sezonin e kaluar.

“Ky është një veprim i shkëlqyer për mua”, tha Kovacic.

✍️ @mateokovacic8 pic.twitter.com/f9hWR2VCQH

— Manchester City (@ManCity) June 27, 2023

Rekrutuesi i ri po shijon mundësinë për të luajtur për trajnerin e Cityt, Pep Guardiola.

“Kushdo që e ka parë këtë skuadër nën Pep e di se sa të mirë janë ata – për mua, ata janë më të mirët në botë. Trofetë që ata kanë fituar janë të qarta për të gjithë, por ata janë gjithashtu skuadra më e mirë e futbollit atje.” ka thënë Kovaçiq.

Kovacic iu bashkua Chelseat nga Real Madrid në gusht 2018, fillimisht në formë huazimi, përpara se të nënshkruante një marrëveshje pesëvjeçare./Arbresh.info/