Juventusi ka arritur marrëveshje për vazhdimin e kontratës me njërin nga mbrojtësit kryesor të skuadrës Federico Gatti.

Lajmi u bë i ditur përmes një postimi në rrjetin social Facebook të klubit italian, shkruan Arbresh.info.

Gatti dhe Juve vazhdojnë marrëveshjen e bashkëpunimit deri në vitin 2030.

“Cilësitë e tij, të kombinuara me vendosmërinë dhe aftësitë e padiskutueshme mbrojtëse, e kanë kthyer atë, ndeshje pas ndeshjeje, në një pikë referimi për të gjithë”, shkruhet ndër të tjera në njoftimin e Juventusit.

Gatti është bërë pjesë e rëndësishme e strukturës së Juventusit. Edhe pse në sezonin e parë 2022-23 luajti vetëm gjysmën e ndeshjeve të Serie A, ai më pas realizoi 36 dhe 46 paraqitje në të gjitha garat në dy sezonet e fundit.

Ai iu bashkua “Zonjës së Vjetër” në vitin 2022 nga Frosinone./Arbresh.info