Drita ka vazhduar me rinovimet e kontratave për futbollistët aktual, derisa i radhës që është blinduar është Blerim Krasniqi.

Sulmuesi nga Kavaja është që dy vite pjesë e Dritës, derisa do t’i qëndroj besnik kësaj skuadre edhe për tre vite të tjera.

Ka qenë klubi kampion i Kosovës që ka konfirmuar se Krasniqi ka nënshkruar kontratë të re tre vjeçare me gjilanasit.

Njoftimi i plotë nga FC Drita (pa ndërhyrje):

Blerim Krasniqi mbetet KAMPION

Kemi kënaqësinë të ju njoftojmë që kemi arritur të vazhdojmë bashkëpunimin me sulmuesin tonë Blerim Krasniqin dhe ta ruajm dyshen e sulmit kampion.

Zyrtarizimi është bërë në ambientet e klubit nga drejtori sportiv i klubit z. Valon Zymberi, i cili i uroi suksese në synimet tona të përbashkëta.

Krasniqi është pjesë e klubit tash e dy vite dhe do te jetë me klubin edhe për tre vite të ardhshme.

Paq fat Blerim. /Telegrafi/