Zvicra ka shënuar fitoren e parë në Kupën e Botës, duke e mposhtur Bosnje Hercegovinën me rezultat 4-1.

Pjesa e parë nuk pati shumë raste të mira shënimi dhe u mbyll 0-0, shkruan Arbresh.info.

Zvicra e shtoi iniciativën gjatë pjesës së dytë, dhe arriti të marrë epërsinë fillestare në minutën e 74-të me Manzambin, i cili u inkuadrua në lojë vetëm tre minuta para shënimit.

Në minutën e 80-të, Bosnja mbeti me një lojtar më pak pasi me karton të kuq direkt u ndëshkua Muharemovic.

Kjo e ndihmoi edhe më shumë Zvicrën, ku vetëm pas katër minuta dyfishoi epërsinë me golin e Vargas.

Zvicra nuk u ndal dhe në minutën e 90-të gjeti edhe golin e tretë me Manzanbin, i cili realizoi golin e dytë personal.

Krejt çka bëri deri në fund Bosnja, ishte shënimi i golit të nderit me anë të Mahmicit në minutën e tretë të kohës shtesë.

Në fund, Zvicra fitoi penallti, dhe në gol e konkretizoi kapiteni i Zvicrës, Granit Xhaka ku edhe vulosi fitoren me rezultat 4-1.

Me këtë fitore, Zvicra shkon në kuotën e katër pikëve, kurse Bosnja mbetet me një sosh.

Ndeshjen e radhës, Xhaka me shokë e luajnë ndaj Kandasë, kurse Bosnja takohet me Katarin./Arbresh.info