Google ADS

Ylli rikthehet tek fitorja, mposht Pejën në “Karagaç”

20:35 | 22 Janar 2025
D.H

Golden Eagle Ylli është rikthyer tek fitorja në elitën e basketbollit kosovar duke e mposhtur Pejën në “Karagaç”, me rezultat 71 – 83.

Ndeshja nisi më mirë për mysafirët duke shkuar në epërsi pas pjesës me rezultat 31 – 40, shkruan Arbresh.info.

Peja ishte më e mirë vetëm në çerekun e katërt, mirëpo e pamjaftueshme për t’u rikthyer.

Më i dalluari në fitoren e Yllit ishte Jan Palokaj me 20 pikë. Lojë të mirë bën edhe Tavares me 13 sosh dhe Green që shtoi 12 tjera.

Në tërësi ekipa suharekase ka qenë në nivel sonte.

Për vendasit më i dalluari ishte Dardan Berisha që luajti me 15 pikë.

Kjo ishte fitorja e tetë këtë sezon për Yllin krahas 10 humbjeve, ndërsa Peja pësoi disfatën e tetë krahas 10 triumfeve./Arbresh.info

Të ngjashme