Granit Xhaka u ka dërguar një mesazh tifozëve të Sunderlandit teksa vazhdon rikuperimin nga dëmtimi në kyçin e këmbës.Kapiteni pritet të mungojë edhe në ndeshjen e së hënës mbrëma ndaj Burnleyt në Premier League.

Mungesa e tij ka ndikuar ndjeshëm te Sunderlandi, si në fushë ashtu edhe jashtë saj, gjatë një serie ndeshjesh të vështira.Xhaka iu bashkua klubit verën e kaluar pas promovimit në Premier League dhe u emërua kapiten për sezonin 2025-26.

Përmes rrjeteve sociale, ai dha sinjale pozitive për rikthimin, duke shkruar se po intensifikon punën për t’u kthyer.Trajneri Régis Le Bris konfirmoi se mesfushori po përparon mirë në rehabilitim.

Megjithatë, ai pritet t’i nënshtrohet një rivlerësimi pas një jave. Rikthimi i Xhakës në fushë pritet të marrë edhe rreth tre javë.