Vëllaznimi ka arritur të shënoj një fitore të madhe ndaj Borës me rezultat 89-80 në kuadër të xhiros së 18-të në elitën e basketbollit kosovar.

Ndeshja nisi më mirë për kryeqytetasit ku e mbyllën pjesën e parë me epërsi 41-40, shkruan Arbresh.info.

Por gjakovarët në pjesën e dytë ishin të hatashëm, falë super performancave të basketbollistët të huaj, ku edhe arritën ta fitojnë ndeshjen në fund.

Hellems ishte më i dalluari me 23 pikë, derisa shkëlqyen edhe Anei me 19 sosh dhe Reid shtoi 18 tjera.

Tek Bora, Cheese u dallua me 21 pikë dhe Amin Hot me 18 sosh.

Me këtë fitore Vëllaznimi tashmë ngritët në pozitën e shtatë, dhe ka gjashtë fitore e 12 humbje, kurse Bora pëson humbjen e nëntë krahas nëntë fitoreve, teksa renditet e katërta.

Ndeshjen e radhës Vëllaznimi e luan ndaj Rahovecit, sfidë kjo direkt për mbijetesë, kurse Bora përballet me lideren Trepcën./Arbresh.info