Pas largimit të Marques Warrick, KB Vëllaznimi nuk ka qëndruar duarkryq dhe ka gjetur menjëherë zëvendësuesin e tij.

Bëhet fjalë për Taryn Todd i cili është i gjatë 190 centimetra dhe që luan në pozitat 1/2, shkruan Arbresh.info.

Lajmi u bë i ditur përmjet një postimi në rrjetin social Facebook të klubit gjakovar.

Ai në Gjakovë vjen pas përvojës së fundit në Superligën e Izraelit me Hapoel Beer Sheva, derisa në të kaluarën është paraqitur edhe në basketbollin kanadez me ekipin e Hamilton Honey Badgers.

Në karrierën kolegjiale në SHBA, Todd kishte luajtur me ekipet e Divizionit 1 si TCU Horned Frogs, Neë Mexico Lobos dhe Arkansas State Red Wolves.

Vëllaznimi këtë edicion pas nëntë ndeshjeve ka tri fitore e gjashtë humbjeve, ku së fundmi ka mposhtur Bashkimin dhe Trepçën brenda tri ditëve./Arbresh.info