Fillimi jo i mirë i sezonit për Chelsean vazhdoi me një barazim pa gola me Bournemouthin.
Mauricio Pochettino i besoi përsëri Nicolas Jackson teksa Chelsea udhëtoi drejt Bournemouth duke kërkuar vetëm fitoren e dytë të sezonit, shkruan Arbresh.info.
Rasti i parë i vërtetë i ra Raheem Sterling në minutën e 10-të, por anësori anglez nuk arriti ta gjej kuadratin.
Dhe vetëm pak çaste më vonë Mykhailo Mudryk dhe Nicolas Jackson kombinuan me sulmuesin gambian që goditi shtyllën nga fillimi i zonës së rreptësisë.
Skuadra vendase patën shansin e tyre për të hapur rezultatin në minutën e 20-të, por gjuajtja e Dango Ouattara-s u ndal nga Robert Sanchez.
Conor Gallagher ishte lojtari i radhës që rrezikoi për “Blues” me kapitenin e ndeshjes që detyroi Neto të bënte një pritje të mirë.
Në pjesën e dytë dhe Chelsea mendoi se kishte shënuar pas vetëm tre minutash, por gola e Levi Colwill u anulua për pozitë jashtë loje.
“Qershitë” patën shansin e tyre të artë 12 minuta para përfundimit, por përpjekja e Dominic Solanke u shpëtua nga Sanchez.
Chelsea renditet në vendin e 14-të me pesë pikë pas pesë ndeshjeve, kurse Bournemouth janë një pozitë më poshtë me tri pikë të grumbulluara./Arbresh.info/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...