Valmir Veliu është rikthyer edhe njëherë tjetër te Llapi, por kësaj radhe në cilësinë e mysafirit.

Ai ka vizituar skuadrën e Llapit në stërvitje, para ndeshjes së kthimit ndaj Buducnostit në kuadër të raundit të parë kualifikues në Ligën e Konferencës.

Veliu u ka uruar suksese llapjanëve në ndeshjen e kthimit, me shpresë që ndeshja në stadiumin “Fadil Vokrri” do të jetë krejtësisht ndryshe nga ndeshja e parë në Podgoricë.

Kujtojmë se Llapi ka pësuar humbje në ndeshjen e parë me rezultatin 2:0.

Njoftimi i plotë nga KF Llapi:

“Valmir Veliu viziton skuadrën në stërvitje para ndeshjes kthyese me Buducnost Podgorica

Klubi ynë ka zhvilluar stërvitjen e parë pas dy ditëve pushimi dhe këtë stërvitje nga afër e ka parë edhe futbollisti i Gaziantep, Valmir Veliu.

Veliu i ka dëshiruar shumë suksese ekipit tonë në ndeshjen ndaj Buducnost Podgoricës, me shpresë që ndeshja në Stadiumin “Fadil Vokrri” do të jetë krejtësisht ndryshe nga ndeshja e parë që të arrihet kualifikimi në raundin e dytë të UEFA Conference League.

Faleminderit Vali, shumë suksese në skuadrën e re, Gaziantep!”. / arbresh.info/