Google ADS

Uzuni bojkoton sërish stërvitjen, ani pse u paraqit në ambientet e klubit

20:31 | 13 Janar 2025
D.H

Myrto Uzuni është kthyer në çështje prej disa ditësh te klubi i Granadës. Në Spanjë kanë zbuluar çfarë ka ndodhur sot me sulmuesin shqiptar.

Uzuni vazhdon të mbajë qëndrimin e tij duke mos u stërvitur edhe pse sot ishte i pranishëm në ambientet e klubit, sërish nuk u vendos nën urdhërat e trajnerit.

Ishte ora 09:30, kur Myrto Uzuni u shfaq një orë para stërvitjes së programuar.

Ani pse ai nuk u stërvit, munguan deklaratat duke marrë parasysh praninë e mediave në stërvitje.

29-vjeçari nuk është bashkuar me ekipin që pas pushimit që të gjithë kishin nga festat. Rinovimi mungon, teksa kërkohet rritja e pagës.

Ndeshja e fundit me Burgos, që u mbyll 0-0, e pa atë në tribunë dhe mbështetja e tifozëve ishte në drejtim të tij.

Shpërndaje në rrjete sociale

Të ngjashme