Ukraina ka kaluar pritshmërinë e saj.

Këtë e pohoj trajneri i futbolli, Ardian Llumnica në “Evropianin Special” në Klan Kosova, duke komentuar ndeshjen e çerekfinales në mes të Ukrainës dhe Anglisë.

“Ukraina i ka kaluar pritshmërinë e saj sa ka kapacitet këtë e din edhe selektori sepse e kishte potencuar në disa deklaratat e tij dhe është e rëndësishme”.

Llumnica ra dakord me Armend Dallkun kur folën për kushtëzimin që i ndodhi Ukrainës pas ndeshjes që shkoi në vazhdime kundër Suedisë dhe pastaj përballja kundër “tre luanëve”.

“Është e vërtet që është e kushtëzuar aq më tepër kur skuadra kthehet pas vazhdimeve kur vërehet lodhja dhe është e rëndë ndërsa ndeshjen tjetër e ke  përball Anglinë  dhe e dimë çfarë tempo mban Anglia dhe e dimë çfarë kapaciteteve fizike ka”.

Llumnica shtoi faktin se shumica e lojtarëve të Ukrainës luajnë në liga vendore të cilat kanë dallim me lojtarët e Anglisë që sipas tij luajnë në liga më të forta.

“Lojtarët e Ukrainës shumica prej tyre janë të kampionatit vendor kurse ata anglezë janë të premier ligës. Këto dy kompeticione kanë edhe dallime të mëdha në aspekt fizik shumë të mëdha”, e përfundojë Llumnica.

Ukraina u mposht nga Anglia në çerekfinale me rezultat 0-4.

Anglia do të përballet me Danimarkën më 7 korrik.