Ish trajneri i Chelseas, Thomas Tuchel së fundmi u zyrtarizua si trajneri i ri i Bayern Munich duke nënshkruar kontratë deri në verën e vitit 2025.

Tuchel njoftoi menjëherë në konferencën e parë për shtyp se do të mbledhë stafin me të cilin ka punuar në Chelsea, gjë që zemëroi pak klubin londinez.

Ai është ndalur dhe ka folur për shkarkimin e tij nga Chelsea, i cili erdhi pas humbjes nga Dinamo Zagreb në Ligën e Kampionëve shtatorin e kaluar.

“Ishte një tronditje. Takimi zgjati vetëm tre deri në pesë minuta në tetë të mëngjesit”.

“Të gjithë menduam se ishim në rrugën e duhur dhe se kemi më shumë kohë për tu ndërtuar. Megjithatë, tani kam gjetur një sfidë të re dhe jam i lumtur që jam te Bayern Munich”, përfundoi gjermani.

Tutje ai shtoi se ka marrëdhënie të mira me njerëzit në Chelsea dhe kjo nuk do të ndryshojë, pasi klubin e konsideroi si një familje.

Kurse tanimë ekimi i Chelseas nën drejtimin e Graham Potter nuk është se po kalon momentet të mira në Premier League, kurse në Ligën e Kampionëve i pret Real Madridi, skuadër kjo që nuk nuk kanë kujtime fort të bukura me të, pasi vitin e kaluar i eleminuan nga kjo ligë./Arbresh.info/