Tronditëse: Mourinho i gatshëm për rikthim te Chelsea

16:50 | 11 Qershor 2019
Arbresh Info

Jose Mourinho është i hapur për një rikthim tronditës në Chelsea.

The Sun thotë se Mourinho është ndër kandidatët potencial për të marrë detyrën në rast se Maurizio Sarri, ashtu siç pritet, zgjedh rikthimin në Itali dhe i bashkohet Juventusit, transmeton portali arbresh.info.

Mourinho është duke jetuar ende në Londër dhe pritet të bëhet trajner i “Bluve”, ndonëse edhe legjenda e klubit Frank Lampard, që aktualisht është në detyrë te skuadra Derby, është favorit.

Zhvillimet e fundit vijnë pas raporteve që Newcastle ishte duke menduar një marrëveshje tronditëse me ish trajnerin e Manchester United.

56-vjeçari është i gatshëm për të biseduar me pronarin e mundshëm të ri të Newcastles në rast se multi-miliarderi Sheikh Khaled bin Zayed al Nehayan vjen dhe e fton atë./arbresh.info/