Trepça’89 shkëputi një pikë në Skenderaj, Gjilani fiton në shtëpi

17:29 | 6 Prill 2017
Arbresh Info

Sot janë zhvilluar dy ndeshje në kuadër të javës së 24-t në Vala Superligë.

Skuadra kryesuese në renditje, Trepça’89 ka shkëputur një pikë si mysafire në stadiumin “Bajram Aliu” në Skenderaj, duke barazuar me Drenicën, 0:0.

Drenica pati më shumë mundësi shënimi por nuk arriti të gjejë golin, derisa Trepça’89 kryesisht u përpoq të gjejë golin nëpërmjet kundërsulmeve, po nuk pati sukses, derisa nga minuta e 79-të luajti me një lojtar më pak pas përjashtimit të Kabba Sambou pas dy kartonëve të verdhë, derisa në minutat shtesë me karton të kuq u ndëshkua edhe Qendrim Krasniqi i Drenicës.

Ndërkohë, fitoren e vetme këtë javë si vendas e ka arritur Gjilani, që e ka mposhtur Lirinë, me shifrat 2:0. Të dy golat për gjilanasit i shënoi Isa Eminhaziri, në minutat 7-të dhe 53-të./Arbresh.info