Trajneri i Trepça ’89, Idrizi thotë se ndeshja ndaj Flamurtarit do të jetë vendimtare

21:27 | 21 Qershor 2020
Arbresh Info

Ballkani është rikthyer te fitorja duke triumfuar ndaj Trepçës ’89 me rezultat 3-1, ndërsa trajneri i skuadrës që e humbi sfidën, Shpëtim Idrizi, nuk ka pasur kritika për të zgjedhurit e tij.

Ai ka thënë se skuadra kundërshtare fitoi falë përvojës më të mirë, ndërsa theksoi edhe lëndimin e portierit. Trepça ’89 u detyrua të inkuadronte një portier 17 vjeçar për ta vazhduar më tej sfidën.

Më tej, trajneri është shprehur i kënaqur me angazhimin e lojtarëve të tij dhe vullnetin për lojë, duke theksuar se ai dhe klubi kanë besim tek ata.

Lidhur me takimin e radhës ndaj Flamurtarit, Idrizi ka thënë se do të jetë një përballje vendimtare, pasi të dyja skuadrat luftojnë për mbijetesë.

Trepça ’89 mbetët në zonën e rrezikut me pesë pikë më pak se Flamurtari, skuadër me të cilën luan në xhiron e ardhshme.